kabhi bhanwar thi jo ek yaad ab sunami hai
kabhī bhañvar thī jo ik yaad ab sunāmī hai
magar ye kyā ki mujhe ab bhī tishna-kāmī hai
maiñ us pe jaan chhiḌaktā huuñ bā-ḳhudā phir bhī
kahīñ hai kuchh mare bhītar jo intiqāmī hai
magar jo vo hai vahī hai bhalā kahāñ koī aur
hazār aib sahī maanā laakh ḳhāmī hai
jo jī meñ aayā vahī minn-o-an hai kāġhaz par
na sochā samjhā sā kuchh aur na ehtimāmī hai
kisī ke rañg rañgā maiñ na mere rañg koī
ye ibtidā.ī nayā Dhab to iḳhtitāmī hai
mulāhiza ho kahūñ kyuuñ tavajjoh kyuuñ chāhūñ
kalām kab hai mirā sher ḳhud-kalāmī hai
maiñ apnī moñchhoñ pe duuñ taav bhī to kis muñh se
yahāñ to jo bhī hai mujh se baḌā harāmī hai
kabhi bhanwar thi jo ek yaad ab sunami hai
magar ye kya ki mujhe ab bhi tishna-kaami hai
main us pe jaan chhiDakta hun ba-KHuda phir bhi
kahin hai kuchh mare bhitar jo intiqami hai
magar jo wo hai wahi hai bhala kahan koi aur
hazar aib sahi mana lakh KHami hai
jo ji mein aaya wahi minn-o-an hai kaghaz par
na socha samjha sa kuchh aur na ehtimami hai
kisi ke rang ranga main na mere rang koi
ye ibtidai naya Dhab to iKHtitami hai
mulahiza ho kahun kyun tawajjoh kyun chahun
kalam kab hai mera sher KHud-kalami hai
main apni monchhon pe dun taw bhi to kis munh se
yahan to jo bhi hai mujh se baDa harami hai
- Book : Par Khule Toe (Pg. 41)
- Author : Shamim Abbas
- Publication : Qalam Publications (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
