kabhi bund bund sahab mein use dekhna

kabhī buuñd buuñd sahāb meñ use dekhnā

kabhī naġhma naġhma rabāb meñ use dekhnā

kisī kirm-ḳhurda kitāb meñ use DhūñDhnā

kisī bhūlte hue baab meñ use dekhnā

baḌe sahl hoñge milāp jannat-e-ḳhvāb meñ

magar is jahān-e-ḳharāb meñ use dekhnā

vo jo sahm sahm gayā hai shahr-e-panāh meñ

mujhe paañv Daale rikāb meñ use dekhnā

vo ghaḌī ki hāsil-e-umr thī nahīñ bhūltī

kahāñ phir usī tab-o-tāb meñ use dekhnā

kabhi bund bund sahab mein use dekhna

kabhi naghma naghma rabab mein use dekhna

kisi kirm-KHurda kitab mein use DhunDhna

kisi bhulte hue bab mein use dekhna

baDe sahl honge milap jannat-e-KHwab mein

magar is jahan-e-KHarab mein use dekhna

wo jo sahm sahm gaya hai shahr-e-panah mein

mujhe panw Dale rikab mein use dekhna

wo ghaDi ki hasil-e-umr thi nahin bhulti

kahan phir usi tab-o-tab mein use dekhna