kabhi dard-ashna tera bhi qalb-e-shadman hoga

kabhī dard-āshnā terā bhī qalb-e-shādmāñ hogā

kabhī nām-e-ḳhudā tū bhī to ai kam-sin javāñ hogā

nahīñ ma.alūm un kī jalva-gah meñ kyā samāñ hogā

nazar jab kāmrāñ hogī to ai dil tū kahāñ hogā

vahī ik saañs mad.hosh-e-hayāt-e-jāvedāñ hogā

jo āh-e-sard ban kar soz-e-ġham kā tarjumāñ hogā

laraz jā.eñge ye mazlūmī-e-dil ke tamāshā.ī

agar ye ḳhaak kā to vo kabhī ātish-fishāñ hogā

jo soz-e-dil se muztar ho ke aa.egā sar-e-mizhgāñ

to ḳhurshīd-e-qayāmat merā ashk-e-ḳhūñ-chakāñ hogā

sitāre ban ke chamkeñge dil-e-barbād ke zarre

ye dil barbād ho kar bhī dalīl-e-kārvāñ hogā

kabhi dard-ashna tera bhi qalb-e-shadman hoga

kabhi nam-e-KHuda tu bhi to ai kam-sin jawan hoga

nahin malum un ki jalwa-gah mein kya saman hoga

nazar jab kaamran hogi to ai dil tu kahan hoga

wahi ek sans madhosh-e-hayat-e-jawedan hoga

jo aah-e-sard ban kar soz-e-gham ka tarjuman hoga

laraz jaenge ye mazlumi-e-dil ke tamashai

agar ye KHak ka to wo kabhi aatish-fishan hoga

jo soz-e-dil se muztar ho ke aaega sar-e-mizhgan

to KHurshid-e-qayamat mera ashk-e-KHun-chakan hoga

sitare ban ke chamkenge dil-e-barbaad ke zarre

ye dil barbaad ho kar bhi dalil-e-karwan hoga