kabhi hathon mein apne kasa-e-zillat nahin lega

kabhī hāthoñ meñ apne kāsa-e-zillat nahīñ legā

jo hai ḳhuddār vo ḳhairāt kī daulat nahīñ legā

jise ḳhāna-ba-doshoñ kī tarah jiine kī aadat hai

kahīñ bhī mustaqil sar par vo koī chhat nahīñ legā

abhī pakkī saḌak se gaañv merā duur hai sāhib

koī paanī pilā kar aap se qīmat nahīñ legā

vo Daaku hai to sab kuchh chhīn kar le jā.egā lekin

na legā ilm vo merā mirī qismat nahīñ legā

jo raushan āsmāñ par chāñd hai kah do use 'ashraf'

ki jugnū tere hisse kī kabhī shohrat nahīñ legā

kabhi hathon mein apne kasa-e-zillat nahin lega

jo hai KHuddar wo KHairaat ki daulat nahin lega

jise KHana-ba-doshon ki tarah jine ki aadat hai

kahin bhi mustaqil sar par wo koi chhat nahin lega

abhi pakki saDak se ganw mera dur hai sahib

koi pani pila kar aap se qimat nahin lega

wo Daku hai to sab kuchh chhin kar le jaega lekin

na lega ilm wo mera meri qismat nahin lega

jo raushan aasman par chand hai kah do use 'ashraf'

ki jugnu tere hisse ki kabhi shohrat nahin lega