kabhi hum mein tum mein bhi pyar tha tumhein yaad ho ki na yaad ho

kabhī ham meñ tum meñ bhī pyaar thā tumheñ yaad ho ki na yaad ho

na kisī ke dil meñ ġhubār thā tumheñ yaad ho ki na yaad ho

ye chalī hai kaisī havā ki ab nahīñ khilte phuul milāp ke

kabhī daur-e-fasl-e-bahār thā tumheñ yaad ho ki na yaad ho

thiiñ baham nashāt kī mahfileñ thiiñ qadam meñ lutf kī manzileñ

baḌā zindagī pe nikhār thā tumheñ yaad ho ki na yaad ho

thī har ek baat meñ chāshnī haq-o-sidq-o-lutf-o-ḳhulūs kī

rah-e-haq pe chalnā shi.ār thā tumheñ yaad ho ki na yaad ho

hue laḌ ke ham se agar judā rakhī aur mulk kī ik banā

ye tumhīñ kā shauq-e-farār thā tumheñ yaad ho ki na yaad ho

huī jañg-o-harab kī ibtidā to batāo bas yahī ik patā

koī tum meñ nañg-e-vaqār thā tumheñ yaad ho ki na yaad ho

kabhi hum mein tum mein bhi pyar tha tumhein yaad ho ki na yaad ho

na kisi ke dil mein ghubar tha tumhein yaad ho ki na yaad ho

ye chali hai kaisi hawa ki ab nahin khilte phul milap ke

kabhi daur-e-fasl-e-bahaar tha tumhein yaad ho ki na yaad ho

thin baham nashat ki mahfilen thin qadam mein lutf ki manzilen

baDa zindagi pe nikhaar tha tumhein yaad ho ki na yaad ho

thi har ek baat mein chashni haq-o-sidq-o-lutf-o-KHulus ki

rah-e-haq pe chalna shiar tha tumhein yaad ho ki na yaad ho

hue laD ke hum se agar juda rakhi aur mulk ki ek bana

ye tumhin ka shauq-e-farar tha tumhein yaad ho ki na yaad ho

hui jang-o-harab ki ibtida to batao bas yahi ek pata

koi tum mein nang-e-waqar tha tumhein yaad ho ki na yaad ho