kabhi hamare liye tegh-e-be-niyam karo

kabhī hamāre liye teġh-e-be-niyām karo

jo dāstāñ hai tumhārī use tamām karo

ḳhulūs aur mohabbat se nek kaam karo

ye mai-kade hai sabhī ko sharīk-e-jām karo

jo mai-kade se nikāle ga.e to kyā hogā

maiñ mohtasib huuñ yahāñ merā ehtirām karo

tumhāre qurb se dil ko sukūn miltā hai

mire qarīb hī baiTho na kuchh kalām karo

vo ek shaam ki jis par nisār sub.h-e-azal

vo ek shaam kabhī tum hamāre naam karo

kahāñ najāt kī sūrat hai qaid-e-hastī se

kisī tarah isī zindāñ meñ sub.h-o-shām karo

'habāb' hasti-e-mauhūm kā bharosa kyā

musāfiroñ kī tarah bas yahāñ qayām karo

kabhi hamare liye tegh-e-be-niyam karo

jo dastan hai tumhaari use tamam karo

KHulus aur mohabbat se nek kaam karo

ye mai-kade hai sabhi ko sharik-e-jam karo

jo mai-kade se nikale gae to kya hoga

main mohtasib hun yahan mera ehtiram karo

tumhaare qurb se dil ko sukun milta hai

mere qarib hi baiTho na kuchh kalam karo

wo ek sham ki jis par nisar subh-e-azal

wo ek sham kabhi tum hamare nam karo

kahan najat ki surat hai qaid-e-hasti se

kisi tarah isi zindan mein subh-o-sham karo

'habab' hasti-e-mauhum ka bharosa kya

musafiron ki tarah bas yahan qayam karo