kabhi ek dam kabhi chupke se aae

kabhī ik dam kabhī chupke se aa.e

tumhārī yaad bhī vaqfe se aa.e

thā bāhar ik alag hī shor barpā

ham andar chor-darvāze se aa.e

badal ki rakh diyā tāmīr-e-nau ne

so tere dar pe andāze se aa.e

na.ī manzil kī le kar aarzū ham

qadīmī mo'atabar raste se aa.e

milī har shor meñ pinhāñ ḳhamoshī

palaT kar ham jo vīrāne se aa.e

kabhi ek dam kabhi chupke se aae

tumhaari yaad bhi waqfe se aae

tha bahar ek alag hi shor barpa

hum andar chor-darwaze se aae

badal ki rakh diya tamir-e-nau ne

so tere dar pe andaze se aae

nai manzil ki le kar aarzu hum

qadimi mo'atabar raste se aae

mili har shor mein pinhan KHamoshi

palaT kar hum jo virane se aae