kabhi jo mil na saki us KHushi ka hasil hai

kabhī jo mil na sakī us ḳhushī kā hāsil hai

ye dard hī to mirī zindagī kā hāsil hai

maiñ apne aap se pīchhā nahīñ chhuḌā paayā

mirā vajūd mirī bebasī kā hāsil hai

ye tīrgī bhī kisī raushnī se niklī hai

ye raushnī bhī kisī tīrgī kā hāsil hai

hazār kāvisheñ kiiñ par nahīñ samajh paayā

koī batā.e to kyā aadmī kā hāsil hai

mirā vajūd jo patthar dikhā.ī detā hai

tamām umr kī shīshagarī kā hāsil hai

ma.āshre meñ jo mash.hūr ho gayā 'irfāñ'

vo ek sher tirī shā.irī kā hāsil hai

kabhi jo mil na saki us KHushi ka hasil hai

ye dard hi to meri zindagi ka hasil hai

main apne aap se pichha nahin chhuDa paya

mera wajud meri bebasi ka hasil hai

ye tirgi bhi kisi raushni se nikli hai

ye raushni bhi kisi tirgi ka hasil hai

hazar kawishen kin par nahin samajh paya

koi batae to kya aadmi ka hasil hai

mera wajud jo patthar dikhai deta hai

tamam umr ki shishagari ka hasil hai

maashre mein jo mashhur ho gaya 'irfan'

wo ek sher teri shairi ka hasil hai