kabhi kabhi tu na hogi kabhi hua karegi

kabhī kabhī tū na hogī kabhī huā karegī

zarūr tujh ko kisī kī kamī huā karegī

rahegī aise hī raunaq tire mahalle kī

guzarne vaale na hoñge galī huā karegī

jo ham na hoñge to phir kaun tum se māñgegā

tumheñ hamārī zarūrat sakhī huā karegī

bichhaḌ ke mujh se merī jaan ḳhush rahā karnā

tū ḳhush rahā to mujhe bhī ḳhushī huā karegī

hamārā ḳhaas ta.alluq to ḳhair thā hī nahīñ

aur ab to baat bhī bas sarsarī huā karegī

tum aur maiñ to yaqīnan vahāñ janam leñge

kahīñ ḳhalā meñ agar zindagī huā karegī

kabhi kabhi tu na hogi kabhi hua karegi

zarur tujh ko kisi ki kami hua karegi

rahegi aise hi raunaq tere mahalle ki

guzarne wale na honge gali hua karegi

jo hum na honge to phir kaun tum se mangega

tumhein hamari zarurat sakhi hua karegi

bichhaD ke mujh se meri jaan KHush raha karna

tu KHush raha to mujhe bhi KHushi hua karegi

hamara KHas talluq to KHair tha hi nahin

aur ab to baat bhi bas sarsari hua karegi

tum aur main to yaqinan wahan janam lenge

kahin KHala mein agar zindagi hua karegi