kabhi KHak hue un qadmon ki kabhi dil ko bichha kar raqs kiya

kabhī ḳhaak hue un qadmoñ kī kabhī dil ko bichhā kar raqs kiyā

use dekhā ḳhud ko bhuul ga.e lahrā lahrā kar raqs kiyā

tire hijr kī aag meñ jalte the ham angāroñ par chalte the

kabhī taptī ret pe nāche ham kabhī ḳhud ko jalā kar raqs kiyā

kyā ḳhuub mazā thā jiine meñ ik zaḳhm chhupā thā siine meñ

us zaḳhm ko khurchā nāḳhun se aur ḳhuun bahā kar raqs kiyā

vo jab na milā mehrāboñ meñ jise DhūñD rahe the ḳhvāboñ meñ

sajde se uThāyā sar apnā aur haath uThā kar raqs kiyā

kabhī thamtī hai kabhī chaḌhtī hai mirī mastī ghaTtī baḌhtī hai

kabhī ḳhāmoshī kabhī jhuum liye kabhī shor machā kar raqs kiyā

sab bastī jangal ho aa.e mastī meñ maqtal ho aa.e

vahāñ jang laḌī ḳhud se ham ne aur teġh chalā kar raqs kiyā

kahīñ merā ḳhudā nāpaid nahīñ kisī ḳhaas jagah kī qaid nahīñ

tasbīh paḌhī but-ḳhāne meñ mehrāb meñ aa kar raqs kiyā

kabhi KHak hue un qadmon ki kabhi dil ko bichha kar raqs kiya

use dekha KHud ko bhul gae lahra lahra kar raqs kiya

tere hijr ki aag mein jalte the hum angaron par chalte the

kabhi tapti ret pe nache hum kabhi KHud ko jala kar raqs kiya

kya KHub maza tha jine mein ek zaKHm chhupa tha sine mein

us zaKHm ko khurcha naKHun se aur KHun baha kar raqs kiya

wo jab na mila mehrabon mein jise DhunD rahe the KHwabon mein

sajde se uThaya sar apna aur hath uTha kar raqs kiya

kabhi thamti hai kabhi chaDhti hai meri masti ghaTti baDhti hai

kabhi KHamoshi kabhi jhum liye kabhi shor macha kar raqs kiya

sab basti jangal ho aae masti mein maqtal ho aae

wahan jang laDi KHud se hum ne aur tegh chala kar raqs kiya

kahin mera KHuda napaid nahin kisi KHas jagah ki qaid nahin

tasbih paDhi but-KHane mein mehrab mein aa kar raqs kiya