kabhi KHuda kabhi KHud se sawal karte hue
kabhī ḳhudā kabhī ḳhud se savāl karte hue
maiñ jī rahā huuñ musalsal malāl karte hue
magan thā kār-e-mohabbat meñ is tarah ki mujhe
ḳhabar na ho sakī apnā ye haal karte hue
kise batā.ūñ guzārā hai maiñ ne bhī ik daur
misāl hote hue aur misāl karte hue
vo jazb-o-shauq hī āḳhir azāb-e-jāñ Thahrā
harām ho gayā jiinā halāl karte hue
na koī rañj un āñkhoñ meñ thā dam-e-ruḳhsat
na thī zabān meñ luknat savāl karte hue
ye kaam us ke liye jaise mas.ala hī na thā
vo pur-sukūn thā kār-e-muhāl karte hue
tamām umr jo lau deñ mujhe rakheñ ābād
gayā vo aise ġhamoñ se nihāl karte hue
kabhi KHuda kabhi KHud se sawal karte hue
main ji raha hun musalsal malal karte hue
magan tha kar-e-mohabbat mein is tarah ki mujhe
KHabar na ho saki apna ye haal karte hue
kise bataun guzara hai main ne bhi ek daur
misal hote hue aur misal karte hue
wo jazb-o-shauq hi aaKHir azab-e-jaan Thahra
haram ho gaya jina halal karte hue
na koi ranj un aankhon mein tha dam-e-ruKHsat
na thi zaban mein luknat sawal karte hue
ye kaam us ke liye jaise masala hi na tha
wo pur-sukun tha kar-e-muhaal karte hue
tamam umr jo lau den mujhe rakhen aabaad
gaya wo aise ghamon se nihaal karte hue
- Book : Tabani (Pg. 149)
- Author : Mubeen Mirza
- Publication : Academy Bazyaft (2015)
- Edition : 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
