kabhi kisi ko na ahd-e-wafa ka pas hua

kabhī kisī ko na ahd-e-vafā kā paas huā

sahar kā ḳhvāb añdheroñ se rū-shanās huā

vo ek lafz jo mahdūd-e-ḳhalvat-kun thā

vo lafz phailā to mansūr-e-ḳhud-shanās huā

hamāre ba.ad bhī lākhoñ the Dūbne vaale

ab is ko kyā kareñ dariyā hī nā-sipās huā

karam kisī kā had-e-e'tidāl se baḌh kar

hamāre jazba-e-ḳhud-dār kī asaas huā

talab meñ ham-safarī kī lagan kahāñ phir bhī

pukār leñge agar koī aas paas huā

udhar thā lafz-e-vafā jaise hukm-e-shāhāna

mirī zabān pe aayā to iltimās huā

tavaqquāt ke jaadū kā zor to TuuTā

shikast aaj tilism-e-umīd-o-yās huā

marāhil-e-ġham-e-hastī kī uljhaneñ tauba

kahīñ vafā kā kahīñ zindagī kā paas huā

vo ḳhāmushī thī jo tahsīn-e-nā-shanās huī

vo shor thā jo sukūt-e-suḳhan-shanās huā

kabhi kisi ko na ahd-e-wafa ka pas hua

sahar ka KHwab andheron se ru-shanas hua

wo ek lafz jo mahdud-e-KHalwat-kun tha

wo lafz phaila to mansur-e-KHud-shanas hua

hamare baad bhi lakhon the Dubne wale

ab is ko kya karen dariya hi na-sipas hua

karam kisi ka had-e-e'tidal se baDh kar

hamare jazba-e-KHud-dar ki asas hua

talab mein ham-safari ki lagan kahan phir bhi

pukar lenge agar koi aas pas hua

udhar tha lafz-e-wafa jaise hukm-e-shahana

meri zaban pe aaya to iltimas hua

tawaqquat ke jadu ka zor to TuTa

shikast aaj tilism-e-umid-o-yas hua

marahil-e-gham-e-hasti ki uljhanen tauba

kahin wafa ka kahin zindagi ka pas hua

wo KHamushi thi jo tahsin-e-na-shanas hui

wo shor tha jo sukut-e-suKHan-shanas hua