kabhi main KHud se kabhi dusron se uljha hun

kabhī maiñ ḳhud se kabhī dūsroñ se uljhā huuñ

tirī talab meñ har ik marhale se guzrā huuñ

ḳhayāl tujh se bichhaḌne kā jab bhī aaya hai

maiñ terī yaad se pahroñ lipaT ke royā huuñ

tire alāva nazar meñ koī jachā hī nahīñ

bichhaḌ ke tujh se maiñ har anjuman meñ tanhā huuñ

payambarī kā hai da.avā na shā.erī pe ġhurūr

hadīs-e-dard ġhazal kī zabāñ meñ kahtā huuñ

na tū hai misl-e-zuleḳhā na misl-e-yūsuf maiñ

nigāh bhar ke mujhe dekh le maiñ terā huuñ

ḳhush-e'tiqād huuñ maiñ bhī use bhī ḳhush-fahmī

na vo ḳhudā kī tarah hai na maiñ farishta huuñ

kabhi main KHud se kabhi dusron se uljha hun

teri talab mein har ek marhale se guzra hun

KHayal tujh se bichhaDne ka jab bhi aaya hai

main teri yaad se pahron lipaT ke roya hun

tere alawa nazar mein koi jacha hi nahin

bichhaD ke tujh se main har anjuman mein tanha hun

payambari ka hai dawa na shaeri pe ghurur

hadis-e-dard ghazal ki zaban mein kahta hun

na tu hai misl-e-zuleKHa na misl-e-yusuf main

nigah bhar ke mujhe dekh le main tera hun

KHush-e'tiqad hun main bhi use bhi KHush-fahmi

na wo KHuda ki tarah hai na main farishta hun