kabhi masale rahe samne kabhi kashmakash rahi ru-ba-ru

kabhī mas.ale rahe sāmne kabhī kashmakash rahī rū-ba-rū

kabhī ḳhud ko khone kā shauq thā kabhī tujh ko paane kī aarzū

mire āñsuoñ ke bahāv meñ mirā ġhusl hotā hai rāt-din

maiñ vuzū karūñ bhī to kyā karūñ mirā bāl-bāl hai bā-vazū

mire shauq mere junūn ko kisī dā.ere meñ na qaid kar

vahī shash-jihat meñ hai lā-ilāh mujhe samt-e-ka.aba na khīñch tū

inhīñ chāñd tāroñ kī oT meñ koī husn-sāz zarūr hai

jo hai kā.enāt pe mehrbāñ jo hai āsmānoñ kī aabrū

ye niyāz-o-nāz ye 'mehr' ab mire haal par ho kisī tarah

isī ġham meñ rahtā huuñ dar-ba-dar isī dhun meñ phirtā huuñ kū-ba-kū

kabhi masale rahe samne kabhi kashmakash rahi ru-ba-ru

kabhi KHud ko khone ka shauq tha kabhi tujh ko pane ki aarzu

mere aansuon ke bahaw mein mera ghusl hota hai raat-din

main wuzu karun bhi to kya karun mera baal-baal hai ba-wazu

mere shauq mere junun ko kisi daere mein na qaid kar

wahi shash-jihat mein hai la-ilah mujhe samt-e-kaba na khinch tu

inhin chand taron ki oT mein koi husn-saz zarur hai

jo hai kaenat pe mehrban jo hai aasmanon ki aabru

ye niyaz-o-naz ye 'mehr' ab mere haal par ho kisi tarah

isi gham mein rahta hun dar-ba-dar isi dhun mein phirta hun ku-ba-ku