kabhi nashat kabhi dard-e-be-karan guzre

kabhī nashāt kabhī dard-e-be-karāñ guzre

bas ek mujh pe hī lamhāt-e-imtihāñ guzre

pahuñch sake na vahāñ fikr-o-āgagī vaale

tirī nigāh ke maare jahāñ jahāñ guzre

mirī vafā kā fasāna tire fasāne meñ

ajab nahīñ ki yahī zeb-e-dāstāñ guzre

kahīñ jhukī na jabīñ tere sañg-e-dar ke sivā

rah-e-niyāz se kitne hī āstāñ guzre

jo terī yaad kī lazzat se rah ga.e mahrūm

hayāt ke vahī lamhāt rā.egāñ guzre

koī to jām-ba-kaf ho koī tamāshā.ī

nasīb phūTe jo aisoñ ke darmiyāñ guzre

nigāh-e-lutf ne ḳhud baḌh ke mudda.ā pūchhā

tirī galī se kuchh aise bhī be-zabāñ guzre

ḳhabar bhī hai 'qamar'-e-sust-e-gām-o-vāmāñda

sahar se pahle sitāroñ ke kārvāñ guzre

kabhi nashat kabhi dard-e-be-karan guzre

bas ek mujh pe hi lamhat-e-imtihan guzre

pahunch sake na wahan fikr-o-agagi wale

teri nigah ke mare jahan jahan guzre

meri wafa ka fasana tere fasane mein

ajab nahin ki yahi zeb-e-dastan guzre

kahin jhuki na jabin tere sang-e-dar ke siwa

rah-e-niyaz se kitne hi aastan guzre

jo teri yaad ki lazzat se rah gae mahrum

hayat ke wahi lamhat raegan guzre

koi to jam-ba-kaf ho koi tamashai

nasib phuTe jo aison ke darmiyan guzre

nigah-e-lutf ne KHud baDh ke muddaa puchha

teri gali se kuchh aise bhi be-zaban guzre

KHabar bhi hai 'qamar'-e-sust-e-gam-o-wamanda

sahar se pahle sitaron ke karwan guzre