kabhi nikla na koi yar se arman mera

kabhī niklā na koī yaar se armāñ merā

ek muddat se hai vo garche meherbāñ merā

kabhī chhātī se lagāyā na to inkār kiyā

saḳht mushkil meñ paḌā dil hai mirī jaañ mirā

na nikālā kabhī armāñ mirā tum ne na sahī

shukr kartā huuñ ki hai sabr nigahbāñ merā

maiñ ne jaanā thā mujhī ko hai mohabbat un kī

bil-yaqīñ mujh se fuzūñ-tar hai vo ḳhvāhāñ merā

jo chaho zulm karo par na raqīboñ se milo

ye ġhazab vo hai ki hai jaan kā ḳhvāhāñ merā

dil meñ ġhairoñ ko agar tum ne na dī apne jagah

donoñ aalam meñ samajh lo ki hai 'mardāñ' merā

kabhi nikla na koi yar se arman mera

ek muddat se hai wo garche meherban mera

kabhi chhati se lagaya na to inkar kiya

saKHt mushkil mein paDa dil hai meri jaan mera

na nikala kabhi arman mera tum ne na sahi

shukr karta hun ki hai sabr nigahban mera

main ne jaana tha mujhi ko hai mohabbat un ki

bil-yaqin mujh se fuzun-tar hai wo KHwahan mera

jo chaho zulm karo par na raqibon se milo

ye ghazab wo hai ki hai jaan ka KHwahan mera

dil mein ghairon ko agar tum ne na di apne jagah

donon aalam mein samajh lo ki hai 'mardan' mera