kabhi ojhal kabhi pesh-e-nazar hai

kabhī ojhal kabhī pesh-e-nazar hai

mohabbat meñ sharārat kā asar hai

lachak jā.egī shāḳh-e-gul kahāñ par

nazākat se vo apnī be-ḳhabar hai

adā.eñ dil pe dastak de rahī haiñ

mohabbat guftugū se bālā-tar hai

unheñ haq hai vo mujh se ruuTh jaa.eñ

magar dil meñ raheñ ye un kā ghar hai

ḳhayāloñ meñ rahā kartā hai har dam

bichhaḌ kar bhī vo merā ham-safar hai

agar mumkin ho ḳhushbūoñ se bhar do

kahānī zindagī kī muḳhtasar hai

jhukā.egī use kyā ḳhaak duniyā

ḳhudā ke sāmne jhuktā jo sar hai

milegī manzil-e-'maqsūd' ik din

abhī shādāb ḳhvāhish kā shajar hai

kabhi ojhal kabhi pesh-e-nazar hai

mohabbat mein shararat ka asar hai

lachak jaegi shaKH-e-gul kahan par

nazakat se wo apni be-KHabar hai

adaen dil pe dastak de rahi hain

mohabbat guftugu se baala-tar hai

unhen haq hai wo mujh se ruTh jaen

magar dil mein rahen ye un ka ghar hai

KHayalon mein raha karta hai har dam

bichhaD kar bhi wo mera ham-safar hai

agar mumkin ho KHushbuon se bhar do

kahani zindagi ki muKHtasar hai

jhukaegi use kya KHak duniya

KHuda ke samne jhukta jo sar hai

milegi manzil-e-'maqsud' ek din

abhi shadab KHwahish ka shajar hai