kabhi qatil kabhi masiha hai

kabhī qātil kabhī masīhā hai

kuchh na pūchho ki vo nazar kyā hai

us kī ta.abīr kaun de mujh ko

un ke aane kā ḳhvāb dekhā hai

jis nazar se bhī aap dekheñge

mere dukh kā vahī mudāvā hai

ashk palkoñ pe muskurāne lage

aaj kis ne mizāj pūchhā hai

uf ye māhaul daur-e-hāzir kā

jis ko dekho vo sahmā sahmā hai

aadmī aadmī ko pahchāne

ādamiyyat kā ye taqāzā hai

jab se paayā hai un ko mahv-e-karam

dard-e-dil aur baḌhtā jaatā hai

jo samundar se bhī na ho sairāb

zindagī pyaas kā vo sahrā hai

ab yahī rasm-e-gulisitāñ hai 'bahār'

phuul māñgo to zaḳhm miltā hai

kabhi qatil kabhi masiha hai

kuchh na puchho ki wo nazar kya hai

us ki tabir kaun de mujh ko

un ke aane ka KHwab dekha hai

jis nazar se bhi aap dekhenge

mere dukh ka wahi mudawa hai

ashk palkon pe muskurane lage

aaj kis ne mizaj puchha hai

uf ye mahaul daur-e-hazir ka

jis ko dekho wo sahma sahma hai

aadmi aadmi ko pahchane

aadamiyyat ka ye taqaza hai

jab se paya hai un ko mahw-e-karam

dard-e-dil aur baDhta jata hai

jo samundar se bhi na ho sairab

zindagi pyas ka wo sahra hai

ab yahi rasm-e-gulisitan hai 'bahaar'

phul mango to zaKHm milta hai