kabhi sal-ha ek pal ki misal

kabhī sāl-hā ek pal kī misāl

kabhī ik ghaḌī mehvar-e-māh-o-sāl

tasavvur kā tasvīr se ittisāl

banīñ hijr kī sā.ateñ bhī visāl

kabhī phail kar thā jahāñ par muhīt

kabhī un ke chehre kā til thā ḳhayāl

kise mere va.ade kā thā e.atibār

shab-e-hijr se husn kā thā savāl

agarche jhukā lo nigāh-e-niyāz

raqīboñ kī nazroñ se bachnā muhāl

mohabbat ke dekhe nasheb-o-farāz

kabhī chāñd puurā kabhī thā hilāl

muqaddar hai goyā ḳhudā kā kalām

milā har kisī ko kiye kā ma.aal

buḌhāpe kī sarhad pe dil be-qarār

qazā fajr kī aur ba-vaqt-e-zavāl

falak par hai āvāra māh-e-tamām

siyah shab meñ DhūñDe kisī kā jamāl

junūn-e-mohabbat pe kab iḳhtiyār

kahāñ aql kī dil ke aage majāl

hamārā 'hidāyat' alag hai mizāj

ḳhushī kī ghaḌī meñ bhī dil ko malāl

kabhi sal-ha ek pal ki misal

kabhi ek ghaDi mehwar-e-mah-o-sal

tasawwur ka taswir se ittisal

banin hijr ki saaten bhi visal

kabhi phail kar tha jahan par muhit

kabhi un ke chehre ka til tha KHayal

kise mere wade ka tha eatibar

shab-e-hijr se husn ka tha sawal

agarche jhuka lo nigah-e-niyaz

raqibon ki nazron se bachna muhaal

mohabbat ke dekhe nasheb-o-faraaz

kabhi chand pura kabhi tha hilal

muqaddar hai goya KHuda ka kalam

mila har kisi ko kiye ka maal

buDhape ki sarhad pe dil be-qarar

qaza fajr ki aur ba-waqt-e-zawal

falak par hai aawara mah-e-tamam

siyah shab mein DhunDe kisi ka jamal

junun-e-mohabbat pe kab iKHtiyar

kahan aql ki dil ke aage majal

hamara 'hidayat' alag hai mizaj

KHushi ki ghaDi mein bhi dil ko malal