kabhi shafaq to kabhi gul kabhi jinan mahke

kabhī shafaq to kabhī gul kabhī jināñ mahke

tumhāre naqsh-e-qadam bhī kahāñ kahāñ mahke

koī amīn-e-sadāqat idhar se guzrā hai

qadam qadam pe jo yuuñ rāh-e-imtihāñ mahke

ye kis ke naam kī ḳhushbū hai mere she'roñ meñ

nafas nafas hai mo'attar mashām-e-jāñ mahke

chaman-badosh vo aa.e mire tasavvur meñ

mire ḳhayāl-o-ma'ānī kā kul-jahāñ mahke

ye kis ne raḳht-e-safar bāñdhne kī Thānī hai

zamīn vajd meñ hai aur āsmāñ mahke

jinhoñ ne rāh-e-sadāqat meñ apnī jāneñ diiñ

paḌho jo dāstāñ un kī to dāstāñ mahke

kabhi shafaq to kabhi gul kabhi jinan mahke

tumhaare naqsh-e-qadam bhi kahan kahan mahke

koi amin-e-sadaqat idhar se guzra hai

qadam qadam pe jo yun rah-e-imtihan mahke

ye kis ke nam ki KHushbu hai mere she'ron mein

nafas nafas hai mo'attar masham-e-jaan mahke

chaman-badosh wo aae mere tasawwur mein

mere KHayal-o-ma'ani ka kul-jahan mahke

ye kis ne raKHt-e-safar bandhne ki Thani hai

zamin wajd mein hai aur aasman mahke

jinhon ne rah-e-sadaqat mein apni jaanen din

paDho jo dastan un ki to dastan mahke