kabhi to ishq mein aisi ghaDi bhi aati hai

kabhī to ishq meñ aisī ghaḌī bhī aatī hai

sukūn miltā hai ġham se ḳhushī rulātī hai

ye kis maqām se āḳhir tujhe pukārtā huuñ

mirī sadā mirī jānib hī lauT aatī hai

junūñ ho aql-o-ḳhirad se hazār begāna

tirī kashish to divāne ko khīñch laatī hai

maiñ shahr chhoḌ ke sahrā meñ jā rahā huuñ suno

kahāñ kī miTTī hai mujh ko kahāñ bulātī hai

ai zindagī tujhe rahnā hai mere saath to phir

nigāheñ chaar kar āñkhoñ ko kyoñ churātī hai

tumhāre husn kī ma.asūmiyat are tauba

ḳhudā kī shaan hai jo āqibat bachātī hai

shahīd-e-nāz ne ḳhūn-e-jigar se ġhusl kiyā

magar gulāb kī ḳhushbū kafan se aatī he

kabhi to ishq mein aisi ghaDi bhi aati hai

sukun milta hai gham se KHushi rulati hai

ye kis maqam se aaKHir tujhe pukarta hun

meri sada meri jaanib hi lauT aati hai

junun ho aql-o-KHirad se hazar begana

teri kashish to diwane ko khinch lati hai

main shahr chhoD ke sahra mein ja raha hun suno

kahan ki miTTi hai mujh ko kahan bulati hai

ai zindagi tujhe rahna hai mere sath to phir

nigahen chaar kar aankhon ko kyon churaati hai

tumhaare husn ki masumiyat are tauba

KHuda ki shan hai jo aaqibat bachati hai

shahid-e-naz ne KHun-e-jigar se ghusl kiya

magar gulab ki KHushbu kafan se aati he