kabhi tumne kuchh to diya nahin kabhi humne kuchh to liya nahin

kabhī tum ne kuchh to diyā nahīñ kabhī ham ne kuchh to liyā nahīñ

hameñ zindagī se ho bahs kyā koī vāqi.a to huā nahīñ

magar aisī koī ḳhalish bhī thī jo faqat hamārā nasīb thī

ki jo rog ham ne lagā liyā kisī aur ko to lagā nahīñ

zarā dekhnā ki vo kaun hai pas-e-ramz-e-vahshat-e-āshiqī

bhalā kis ne ham ko shikast dī kabhī pahle aisā huā nahīñ

jise paas aanā thā aa gayā ki nafas ke taar bhī juḌ ga.e

ki talab kī thiiñ yahī manzileñ koī fāsla to rahā nahīñ

baḌī vu'sateñ haiñ zamīn par hameñ aur chāhiye kyā magar

vo jo husn us kī nazar meñ hai koī us se baḌh kar milā nahīñ

vo jo mil chukī haiñ aziyyateñ chalo maan leñ ki bahut huā

magar ab milā hai jo hausla kisī aur ko to milā nahīñ

kabhi tum ne kuchh to diya nahin kabhi hum ne kuchh to liya nahin

hamein zindagi se ho bahs kya koi waqia to hua nahin

magar aisi koi KHalish bhi thi jo faqat hamara nasib thi

ki jo rog hum ne laga liya kisi aur ko to laga nahin

zara dekhna ki wo kaun hai pas-e-ramz-e-wahshat-e-ashiqi

bhala kis ne hum ko shikast di kabhi pahle aisa hua nahin

jise pas aana tha aa gaya ki nafas ke tar bhi juD gae

ki talab ki thin yahi manzilen koi fasla to raha nahin

baDi wu'saten hain zamin par hamein aur chahiye kya magar

wo jo husn us ki nazar mein hai koi us se baDh kar mila nahin

wo jo mil chuki hain aziyyaten chalo man len ki bahut hua

magar ab mila hai jo hausla kisi aur ko to mila nahin