kabhi TuTa na afsun-e-sitam teri huzuri ka

kabhī TuuTā na afsūn-e-sitam terī huzūrī kā

bahut nazdīk rah kar bhī rahā ehsās-e-dūrī kā

kahāñ tak saath degī dekheñ apnī be-niyāzī bhī

ḳhumār-e-tishnagī ḳhamyāza hai dasht-e-subūrī kā

hazāroñ āftāboñ ke lahū se tamtamātā hai

bharam ik muskurāte chehra-e-zebā kī nuurī kā

huzūr irshād apnā merī āñkhoñ meñ basā diije

ki phir shākī na ho koī bayāñ manzar se duurī kā

ye mahrūmī to apnī bebasī hī kī mukāfī hai

sila kuchh aur honā chāhiye thā nā-subūrī kā

mohabbat ḳhud-farāmoshī se guzrī ab ye aalam hai

ki ik aalam tamāshā.ī hai apnī be-shu.ūrī kā

kabhi TuTa na afsun-e-sitam teri huzuri ka

bahut nazdik rah kar bhi raha ehsas-e-duri ka

kahan tak sath degi dekhen apni be-niyazi bhi

KHumar-e-tishnagi KHamyaza hai dasht-e-suburi ka

hazaron aaftabon ke lahu se tamtamata hai

bharam ek muskuraate chehra-e-zeba ki nuri ka

huzur irshad apna meri aankhon mein basa dije

ki phir shaki na ho koi bayan manzar se duri ka

ye mahrumi to apni bebasi hi ki mukafi hai

sila kuchh aur hona chahiye tha na-suburi ka

mohabbat KHud-faramoshi se guzri ab ye aalam hai

ki ek aalam tamashai hai apni be-shuuri ka