kabhi wo log thoDi si KHushi se KHush nahin hote

kabhī vo log thoḌī sī ḳhushī se ḳhush nahīñ hote

agar jo log apnī zindagī se ḳhush nahīñ hote

jinheñ rātoñ meñ aksar chāñdnī kā sukh nahīñ miltā

vo auroñ ke diyoñ kī raushnī se ḳhush nahīñ hote

agar hai farq dil meñ to gale bhī mat lagāyā kar

dikhāve kī kabhī ham dostī se ḳhush nahīñ hote

havā ne is tarah nafrat fazā meñ ghol rakkhī hai

ki ab to aadmī hī aadmī se ḳhush nahīñ hote

adab ko bhuul kar jo be-adab kī baat kartī ho

kabhī ham is tarah kī shā'irī se ḳhush nahīñ hote

unheñ tāsīr paanī kī kabhī hāsil nahīñ hogī

jo hoñToñ kī mukammal tishnagī se ḳhush nahīñ hote

kabhi wo log thoDi si KHushi se KHush nahin hote

agar jo log apni zindagi se KHush nahin hote

jinhen raaton mein aksar chandni ka sukh nahin milta

wo auron ke diyon ki raushni se KHush nahin hote

agar hai farq dil mein to gale bhi mat lagaya kar

dikhawe ki kabhi hum dosti se KHush nahin hote

hawa ne is tarah nafrat faza mein ghol rakkhi hai

ki ab to aadmi hi aadmi se KHush nahin hote

adab ko bhul kar jo be-adab ki baat karti ho

kabhi hum is tarah ki sha'iri se KHush nahin hote

unhen tasir pani ki kabhi hasil nahin hogi

jo honTon ki mukammal tishnagi se KHush nahin hote