kabhi wo ranj ke sanche mein Dhaal deta hai

kabhī vo rañj ke sāñche meñ Dhaal detā hai

kabhī ḳhushī vo mujhe be-misāl detā hai

javāb sochtī rahtī huuñ maiñ ka.ī din tak

vo ik savāl havā meñ uchhāl detā hai

hamāre pyaar sā duniyā meñ pyaar sab kā ho

hamāre pyaar kī ye jag misāl detā hai

kisī ko rañg banātā hai vo sudāmā sā

kisī ko daulat-o-jāh-o-jalāl detā hai

jo mujh se sher ke sāñche meñ Dhal nahīñ paatā

ḳhudā kabhī mujhe aisā ḳhayāl detā hai

usī ke haath meñ hai kārobār duniyā kā

kabhī kamāl kabhī vo zavāl detā hai

vo shā.eroñ ko atā kartā hai ḳhayāl na.e

musavviroñ ko vo kasb-e-kamāl detā hai

hai us kā ḳhaas karam mere dil pe ai 'shobhā'

vo mere dil ko kasak lā-zavāl detā hai

kabhi wo ranj ke sanche mein Dhaal deta hai

kabhi KHushi wo mujhe be-misal deta hai

jawab sochti rahti hun main kai din tak

wo ek sawal hawa mein uchhaal deta hai

hamare pyar sa duniya mein pyar sab ka ho

hamare pyar ki ye jag misal deta hai

kisi ko rang banata hai wo sudama sa

kisi ko daulat-o-jah-o-jalal deta hai

jo mujh se sher ke sanche mein Dhal nahin pata

KHuda kabhi mujhe aisa KHayal deta hai

usi ke hath mein hai karobar duniya ka

kabhi kamal kabhi wo zawal deta hai

wo shaeron ko ata karta hai KHayal nae

musawwiron ko wo kasb-e-kamal deta hai

hai us ka KHas karam mere dil pe ai 'shobha'

wo mere dil ko kasak la-zawal deta hai