kabhi yan hamein the nire gile kabhi wo hi shikwe se tar gaya

kabhī yaañ hameñ the nire gile kabhī vo hī shikve se tar gayā

kabhī donoñ jo hue raazī se to vo ishq hī thā guzar gayā

mujhe shauq thā ka.ī chiiz kā ka.ī chiiz ko mirā shauq thā

tire vāste vo shaġhaf ga.e tire vāste vo hunar gayā

ye vo aarzū ye vo āshiyāñ tujhe chhūT dī to tabāh kar

tujhe karnā hai jo vo kar le jā mire dil se ḳhauf-e-safar gayā

unheñ bhuul ab tū na din ba din jo mileñ haiñ zillateñ din ba din

vo qamar hī kyā jise yaad nā yaañ se dāġh-e-dil vo kidhar gayā

tumheñ ab vafā kī qasam sanam karo phir ye gesū usī tarah

ki ye zulfeñ phir hoñ sipāh sī ye idhar rahā vo udhar gayā

mirī ḳhvāhishoñ kī ḳharābiyāñ inheñ pheñk duuñ maiñ nikāl kar

kabhī vasl hai koī aarzū kabhī aa.e vo to jigar gayā

tire un laboñ ke ye sadqe haiñ tirī Thokaroñ se mile hunar

tire kūche ke jo ye majnūñ the ye sudhar gayā vo sañvar gayā

ye 'sharar' ko hī nahīñ jānte vo baḌe maze kā hai aadmī

tumhīñ se ḳhatā huī hogī tab kabhī ruuTh ham se 'sharar' gayā

kabhi yan hamein the nire gile kabhi wo hi shikwe se tar gaya

kabhi donon jo hue raazi se to wo ishq hi tha guzar gaya

mujhe shauq tha kai chiz ka kai chiz ko mera shauq tha

tere waste wo shaghaf gae tere waste wo hunar gaya

ye wo aarzu ye wo aashiyan tujhe chhuT di to tabah kar

tujhe karna hai jo wo kar le ja mere dil se KHauf-e-safar gaya

unhen bhul ab tu na din ba din jo milen hain zillaten din ba din

wo qamar hi kya jise yaad na yan se dagh-e-dil wo kidhar gaya

tumhein ab wafa ki qasam sanam karo phir ye gesu usi tarah

ki ye zulfen phir hon sipah si ye idhar raha wo udhar gaya

meri KHwahishon ki KHarabiyan inhen phenk dun main nikal kar

kabhi wasl hai koi aarzu kabhi aae wo to jigar gaya

tere un labon ke ye sadqe hain teri Thokaron se mile hunar

tere kuche ke jo ye majnun the ye sudhar gaya wo sanwar gaya

ye 'sharar' ko hi nahin jaante wo baDe maze ka hai aadmi

tumhin se KHata hui hogi tab kabhi ruTh hum se 'sharar' gaya