kabhi zamin kabhi aasman mein tairta hun
kabhī zamīn kabhī āsmāñ meñ tairtā huuñ
tilism-e-nūr ke ik ik nishāñ meñ tairtā huuñ
ba-rañg-e-sāz kabhī barbatoñ se phūTtā huuñ
kabhī ba-shakl-e-sadā armuġhāñ meñ tairtā huuñ
kabhī maiñ Dhaltā huuñ kāġhaz pe naqsh kī sūrat
maiñ lafz ban ke kisī kī zabāñ meñ tairtā huuñ
kabhī kabhī to mujhe bhī ḳhabar nahīñ hotī
ki kis maqām pe kis kis jahāñ meñ tairtā huuñ
mire safar meñ koī ajnabī sā rahtā hai
muhīt sher ke jab imtihāñ meñ tairtā huuñ
kabhi zamin kabhi aasman mein tairta hun
tilism-e-nur ke ek ek nishan mein tairta hun
ba-rang-e-saz kabhi barbaton se phuTta hun
kabhi ba-shakl-e-sada armughan mein tairta hun
kabhi main Dhalta hun kaghaz pe naqsh ki surat
main lafz ban ke kisi ki zaban mein tairta hun
kabhi kabhi to mujhe bhi KHabar nahin hoti
ki kis maqam pe kis kis jahan mein tairta hun
mere safar mein koi ajnabi sa rahta hai
muhit sher ke jab imtihan mein tairta hun
- Book : Pakistani Adab (Pg. 454)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
