kabhi zamin se kabhi aasman se guzre hain

kabhī zamīñ se kabhī āsmāñ se guzre haiñ

tirī talāsh meñ ham lā-makāñ se guzre haiñ

junūn-e-shauq meñ dekho kahāñ se guzre haiñ

ki dasht se to kabhī kahkashāñ se guzre haiñ

na pūchh ham se tū ab to hamārī hālat ko

tire firāq meñ dard-o-fuġhāñ se guzre haiñ

vo marhale bhī haiñ guzre yuuñ ḳhastā-hāloñ par

bahāroñ se na kabhī ham ḳhizāñ se guzre haiñ

bashar haiñ ham to zamāne ke ab satā.e hue

ki rāh-e-ishq pe ham shādmāñ se guzre haiñ

ye kaisā shor hai saarī fazāoñ meñ yaaro

ki log saare hī mātam-kunāñ se guzre haiñ

vo nām-levā tire jā chuke haiñ duniyā se

janāb-e-'qalb' bhī āḳhir jahāñ se guzre haiñ

kabhi zamin se kabhi aasman se guzre hain

teri talash mein hum la-makan se guzre hain

junun-e-shauq mein dekho kahan se guzre hain

ki dasht se to kabhi kahkashan se guzre hain

na puchh hum se tu ab to hamari haalat ko

tere firaq mein dard-o-fughan se guzre hain

wo marhale bhi hain guzre yun KHasta-haalon par

bahaaron se na kabhi hum KHizan se guzre hain

bashar hain hum to zamane ke ab satae hue

ki rah-e-ishq pe hum shadman se guzre hain

ye kaisa shor hai sari fazaon mein yaro

ki log sare hi matam-kunan se guzre hain

wo nam-lewa tere ja chuke hain duniya se

janab-e-'qalb' bhi aaKHir jahan se guzre hain