kaDi mehnat hai ya ye tyag hai ya ye tapasya hai

kaḌī mehnat hai yā ye tyaag hai yā ye tapasyā hai

maiñ aksar sochtī rahtī huuñ merī zindagī kyā hai

anubhav zindagī kī sab se achchhī pāThshāla hai

magar kambaḳht us kī fees itnī hai ki tauba hai

vo mujh se kah rahā hai ishq hai ik aag kā dariyā

to phir is aag meñ tū kuud jā nā dekhtā kyā hai

tumhāre paas to sab kuchh hai bas ik maiñ nahīñ to kyā

mirī āñkhoñ kī añgnā.ī meñ ik yādoñ kā mela hai

kisī kā koī ho jaa.e nahīñ ab farq paḌtā hai

ye dil to kal bhī tanhā thā ye dil to ab bhī tanhā hai

nadī tālāb jharne aur kueñ haiñ jis ke qabze meñ

magar hairat ye hai vo shaḳhs ab bhī kitnā pyāsā hai

mirī shohrat mirā sammān sab us kī navāzish hai

magar maiñ sochtī huuñ 'anjanā' is meñ mirā kyā hai

kaDi mehnat hai ya ye tyag hai ya ye tapasya hai

main aksar sochti rahti hun meri zindagi kya hai

anubhaw zindagi ki sab se achchhi paThshaala hai

magar kambaKHt us ki fees itni hai ki tauba hai

wo mujh se kah raha hai ishq hai ek aag ka dariya

to phir is aag mein tu kud ja na dekhta kya hai

tumhaare pas to sab kuchh hai bas ek main nahin to kya

meri aankhon ki angnai mein ek yaadon ka mela hai

kisi ka koi ho jae nahin ab farq paDta hai

ye dil to kal bhi tanha tha ye dil to ab bhi tanha hai

nadi talab jharne aur kuen hain jis ke qabze mein

magar hairat ye hai wo shaKHs ab bhi kitna pyasa hai

meri shohrat mera samman sab us ki nawazish hai

magar main sochti hun 'anjana' is mein mera kya hai