kaDi nigah rakhega wo sim-tan mujh par

kaḌī nigāh rakhegā vo sīm-tan mujh par

ki mehrbāñ hai kisī phuul kā badan mujh par

maiñ ek khoī huī aag kī talāsh meñ thā

shaguft hone lage haiñ magar chaman mujh par

phir ek baar vahī dhuup oḌh kar niklūñ

karegā chhāñv agar aaj bhī gagan mujh par

firāq-o-vasl haqīqat meñ ek hoñ ki na hoñ

kisī ke ishq meñ lāzim hai husn-e-zan mujh par

alag alag hī raheñge dam-e-visāl bhī ham

maiñ apne man pe fidā huuñ na merā man mujh par

kisī tilism se raushan hai merā dil 'sājid'

dayār-e-ġhaib se utregā koī fan mujh par

kaDi nigah rakhega wo sim-tan mujh par

ki mehrban hai kisi phul ka badan mujh par

main ek khoi hui aag ki talash mein tha

shaguft hone lage hain magar chaman mujh par

phir ek bar wahi dhup oDh kar niklun

karega chhanw agar aaj bhi gagan mujh par

firaq-o-wasl haqiqat mein ek hon ki na hon

kisi ke ishq mein lazim hai husn-e-zan mujh par

alag alag hi rahenge dam-e-visal bhi hum

main apne man pe fida hun na mera man mujh par

kisi tilism se raushan hai mera dil 'sajid'

dayar-e-ghaib se utrega koi fan mujh par