کہہ نہ سکا میں دل کی بات

کہہ نہ سکا میں دل کی بات

کٹ گئی یوں ہی ساری رات

صبح کو آخر کیا ہوگا

بھیگ چلی ہے غم کی رات

کہہ نہ سکا ہر اک سے غم

یہ بھی ہے آخر کوئی بات

دل کی کہانی کہتا چل

کیسے کٹے گی غم کی رات

ہونے لگا ہے دل بے چین

آ گئی شاید پھر برسات

دل کی امیدیں ختم ہوئیں

آنکھوں میں کاٹی ساری رات

جس میں وہ ہوں مہماں میرے

ایسی بھی آئے کوئی رات

دل کی کہانی بند بھی کر

کون سنے گا دل کی بات

زعم بہت تھا اس کو مگر

کھا گیا ثاقبؔ عشق میں مات