kah rahe hain yahi bigDe hue haalat ki bas

kah rahe haiñ yahī bigḌe hue hālāt ki bas

ab na qaabū meñ raheñge mire jazbāt ki bas

koī monis koī ġham-ḳhvār na aaḌe aayā

is qadar aaj huī aañkh se barsāt ki bas

jin kā iz.hār bhī karne se abhī qāsir huuñ

dil pe vo guzre haiñ is daur meñ sadmāt ki bas

koī hañgāma uThā aur na qayāmat aa.ī

zulm dhāte rahe yuuñ aaj ke hālāt ki bas

aap jis raat meñ aa.e haiñ zamāne ko nazar

muntazir ham bhī to baiThe haiñ usī raat ki bas

vo jo ḳhātir meñ kisī ko nahīñ laate haiñ yahāñ

kis qadar past haiñ un sab ke ḳhayālāt ki bas

kah rahe hain yahi bigDe hue haalat ki bas

ab na qabu mein rahenge mere jazbaat ki bas

koi monis koi gham-KHwar na aaDe aaya

is qadar aaj hui aankh se barsat ki bas

jin ka izhaar bhi karne se abhi qasir hun

dil pe wo guzre hain is daur mein sadmat ki bas

koi hangama uTha aur na qayamat aai

zulm dhate rahe yun aaj ke haalat ki bas

aap jis raat mein aae hain zamane ko nazar

muntazir hum bhi to baiThe hain usi raat ki bas

wo jo KHatir mein kisi ko nahin late hain yahan

kis qadar past hain un sab ke KHayalat ki bas