kaha tha tum se na pyar karna wahi kiya na

kahā thā tum se na pyaar karnā vahī kiyā nā

na lafz bunñā na sher kahnā vahī kiyā nā

ye terā ḳhuuñ tak nichoḌ leñge kahā thā tujh se

na surḳh phūloñ ke paas jaanā vahī kiyā nā

kahā thā tohfe ḳhutūt saare chhupā ke rakhnā

kahā thā sab ko na ye dikhānā vahī kiyā nā

kahā thā chāhat se duur rahnā ye maar degī

kahā thā dil kī na ek sunñā vahī kiyā nā

parind tum par hañsā kareñge kahā thā tum se

na tum daraḳhtoñ pe naam likhnā vahī kiyā nā

ye TuuT jaa.eñ to saañs lenā muhāl Thahre

kahā thā tum se na ḳhvāb bunñā vahī kiyā nā

kahā thā bātoñ meñ tez hai vo sañbhal ke rahnā

na us kā hargiz yaqīn karnā vahī kiyā naañ

zahīn to ho magar zamāna-shanās kam ho

tumheñ kahā thā na ishq karnā vahī kiyā nā

luTā piTā hai fareb degā ḳhayāl karnā

kabhī na 'dānish' kī baat sunñā vahī kiyā nā

kaha tha tum se na pyar karna wahi kiya na

na lafz bunna na sher kahna wahi kiya na

ye tera KHun tak nichoD lenge kaha tha tujh se

na surKH phulon ke pas jaana wahi kiya na

kaha tha tohfe KHutut sare chhupa ke rakhna

kaha tha sab ko na ye dikhana wahi kiya na

kaha tha chahat se dur rahna ye mar degi

kaha tha dil ki na ek sunna wahi kiya na

parind tum par hansa karenge kaha tha tum se

na tum daraKHton pe nam likhna wahi kiya na

ye TuT jaen to sans lena muhaal Thahre

kaha tha tum se na KHwab bunna wahi kiya na

kaha tha baaton mein tez hai wo sanbhal ke rahna

na us ka hargiz yaqin karna wahi kiya nan

zahin to ho magar zamana-shanas kam ho

tumhein kaha tha na ishq karna wahi kiya na

luTa piTa hai fareb dega KHayal karna

kabhi na 'danish' ki baat sunna wahi kiya na