kaha usne main hun tanha udhar sara zamana hai

kahā us ne maiñ huuñ tanhā udhar saarā zamāna hai

kahā maiñ ne zamāna har tarah kā biit jaanā hai

kahā us ne ki tum bhī aur logoñ kī tarah se ho

kahā maiñ ne tumhārā hausla bhī āzmānā hai

kahā us ne ki ab tak rāste mahfūz the lekin

kahā maiñ ne isī lekin kā to saarā fasāna hai

kahā us ne ki mere ḳhvāb meñ tum saath the mere

kahā maiñ ne ki ḳhvāboñ ko haqīqat bhī banānā hai

kahā us ne ki dekho zulmatoñ kā saath mat denā

kahā maiñ ne havāoñ meñ diyā rakh kar jalānā hai

kahā us ne ki manzil aur kitnī duur hai 'anvar'

kahā maiñ ne hameñ is dhuñd kai us paar jaanā hai

kaha us ne main hun tanha udhar sara zamana hai

kaha main ne zamana har tarah ka bit jaana hai

kaha us ne ki tum bhi aur logon ki tarah se ho

kaha main ne tumhaara hausla bhi aazmana hai

kaha us ne ki ab tak raste mahfuz the lekin

kaha main ne isi lekin ka to sara fasana hai

kaha us ne ki mere KHwab mein tum sath the mere

kaha main ne ki KHwabon ko haqiqat bhi banana hai

kaha us ne ki dekho zulmaton ka sath mat dena

kaha main ne hawaon mein diya rakh kar jalana hai

kaha us ne ki manzil aur kitni dur hai 'anwar'

kaha main ne hamein is dhund kai us par jaana hai