kahan hain maKHfi wo shahzade jiye jo mahlon ki shan ban kar

kahāñ haiñ maḳhfī vo shāhzāde jiye jo mahloñ kī shaan ban kar

diloñ kī bastī basā na paa.e ga.e to ujḌā makān ban kar

har ek lamha hayāt kā ho charāġh-e-hubb-e-nabī se raushan

sanā-e-rab meñ hī niiñd aa.e uTho sahar kī azaan ban kar

hamārī urdu nabī kī arabī se mil ke shīr-o-shakar huī hai

yahāñ kī miTTī meñ ḳhāk-e-taiba basī hai momin kī jaan ban kar

ga.e kahāñ vo jiye jo haq par sadā-e-haq hai vafāt meñ bhī

hunūz ham sun rahe haiñ un ko ga.e jo haq kā bayān ban kar

vo shāḳh-e-gul jo qalam kī sūrat baḌhī thī aage jaḌeñ jamāne

pahuñch na paa.ī zamīn-e-dil tak anā ne rokā chaTān ban kar

hamāre bhārat ke saare netā agar siyāsat nabī se sīkheñ

chamak uThegā jahāñ meñ saare ye mulk sachchā mahān ban kar

yazīdiyat se muqābla hai husainī lashkar banā.e rakkho

ravāngī bhī misāl kī ho jiyo nabī ke javān ban kar

kisī ne 'maḳhfī' kiyā bharosa virāsatoñ kī hifāzatoñ kā

yaqīñ meñ mālik mujhe badal de marūñ na jhūTā gumān ban kar

kahan hain maKHfi wo shahzade jiye jo mahlon ki shan ban kar

dilon ki basti basa na pae gae to ujDa makan ban kar

har ek lamha hayat ka ho charagh-e-hubb-e-nabi se raushan

sana-e-rab mein hi nind aae uTho sahar ki azan ban kar

hamari urdu nabi ki arabi se mil ke shir-o-shakar hui hai

yahan ki miTTi mein KHak-e-taiba basi hai momin ki jaan ban kar

gae kahan wo jiye jo haq par sada-e-haq hai wafat mein bhi

hunuz hum sun rahe hain un ko gae jo haq ka bayan ban kar

wo shaKH-e-gul jo qalam ki surat baDhi thi aage jaDen jamane

pahunch na pai zamin-e-dil tak ana ne roka chaTan ban kar

hamare bhaarat ke sare neta agar siyasat nabi se sikhen

chamak uThega jahan mein sare ye mulk sachcha mahan ban kar

yazidiyat se muqabla hai husaini lashkar banae rakkho

rawangi bhi misal ki ho jiyo nabi ke jawan ban kar

kisi ne 'maKHfi' kiya bharosa wirasaton ki hifazaton ka

yaqin mein malik mujhe badal de marun na jhuTa guman ban kar