kahan haTta hai nigahon se haTae hae

kahāñ haTtā hai nigāhoñ se haTā.e haa.e

vahī manzar ki jise dekh na paa.e haa.e

kyā pata saarī tamannā.eñ dhuāñ ho ga.ī hoñ

kuchh nikaltā hī nahīñ dil se sivā.e haa.e

yaad aatī huī ik shakl pe allāh allāh

dil meñ uThtī huī har Tiis pe haa.e haa.e

us galī jā ke bhī sajda na tumheñ yaad rahā

sirf nazreñ hī jhukā.e chale aa.e haa.e

saarī mushkil hī nihāñ hai mirī āsānī meñ

kaun ye ḳhasta sī dīvār girā.e haa.e

roz ik taaza chilam bhar ke mujhe de farhād

aur phir qais mire paañv dabā.e haa.e

dil ke bekār dhaḌakne pe kahāñ ḳhush the miyāñ

ham to phūle na samā.e ba-sadā-e-hā.e

jab vo jaa.e to mujhe kuchh bhī na bhaa.e 'javvād'

aur jab aa.e to kuchh aa.e na jaa.e haa.e

kahan haTta hai nigahon se haTae hae

wahi manzar ki jise dekh na pae hae

kya pata sari tamannaen dhuan ho gai hon

kuchh nikalta hi nahin dil se siwae hae

yaad aati hui ek shakl pe allah allah

dil mein uThti hui har Tis pe hae hae

us gali ja ke bhi sajda na tumhein yaad raha

sirf nazren hi jhukae chale aae hae

sari mushkil hi nihan hai meri aasani mein

kaun ye KHasta si diwar girae hae

roz ek taza chilam bhar ke mujhe de farhad

aur phir qais mere panw dabae hae

dil ke bekar dhaDakne pe kahan KHush the miyan

hum to phule na samae ba-sada-e-hae

jab wo jae to mujhe kuchh bhi na bhae 'jawwad'

aur jab aae to kuchh aae na jae hae