kahan jate ho muD kar waqt-e-ruKHsat dekhte jao

kahāñ jaate ho muḌ kar vaqt-e-ruḳhsat dekhte jaao

dikhā kar apnī sūrat merī sūrat dekhte jaao

jo aa.e ho uḌā kar ḳhāk-e-turbat dekhte jaao

qayāmat kyā kuchh āsār-e-qayāmat dekhte jaao

adū se laḌ ke mujh se laḌ rahī haiñ ab sar-e-mahfil

zarā tum apnī āñkhoñ kī sharārat dekhte jaao

na poñchho moḌ kar muñh mere aañsū apne dāman se

na phero aañkh tāsīr-e-mohabbat dekhte jaao

chale jaate ho muñh phere hue gor-e-ġharībāñ se

banā hai zarra zarra chashm-e-ibrat dekhte jaao

tumheñ ma.alūm to ho jaa.e dam kaise nikaltā hai

dam-e-āḳhir zarā 'safdar' kī hālat dekhte jaao

kahan jate ho muD kar waqt-e-ruKHsat dekhte jao

dikha kar apni surat meri surat dekhte jao

jo aae ho uDa kar KHak-e-turbat dekhte jao

qayamat kya kuchh aasar-e-qayamat dekhte jao

adu se laD ke mujh se laD rahi hain ab sar-e-mahfil

zara tum apni aankhon ki shararat dekhte jao

na ponchho moD kar munh mere aansu apne daman se

na phero aankh tasir-e-mohabbat dekhte jao

chale jate ho munh phere hue gor-e-ghariban se

bana hai zarra zarra chashm-e-ibrat dekhte jao

tumhein malum to ho jae dam kaise nikalta hai

dam-e-aKHir zara 'safdar' ki haalat dekhte jao