kahan kisi ko hosh tha kahan kisi mein tab thi

kahāñ kisī ko hosh thā kahāñ kisī meñ taab thī

tirī nazar se anjuman kī anjuman ḳharāb thī

adā adā bahār thī nazar nazar sharāb thī

kisī kī garmī-e-shabāb garmī-e-shabāb thī

kisī ko is kā ilm kyā kisī ko is kī kyā ḳhabar

ki merī zindagī bhī ek zindagī kā ḳhvāb thī

baḌe qalaq kī baat hai ki tum na us ko paḌh sake

hamārī zindagī to ik khulī huī kitāb thī

vo sab kahāniyāñ to thiiñ mire hī dil kī bazm meñ

tumhārī chashm-e-surmagīñ na jaane kyoñ pur-āb thī

hayāt-e-bā-murād par ye tabsire bajā sahī

magar vo zindagī ki jis kī har talab sarāb thī

kahan kisi ko hosh tha kahan kisi mein tab thi

teri nazar se anjuman ki anjuman KHarab thi

ada ada bahaar thi nazar nazar sharab thi

kisi ki garmi-e-shabab garmi-e-shabab thi

kisi ko is ka ilm kya kisi ko is ki kya KHabar

ki meri zindagi bhi ek zindagi ka KHwab thi

baDe qalaq ki baat hai ki tum na us ko paDh sake

hamari zindagi to ek khuli hui kitab thi

wo sab kahaniyan to thin mere hi dil ki bazm mein

tumhaari chashm-e-surmagin na jaane kyon pur-ab thi

hayat-e-ba-murad par ye tabsire baja sahi

magar wo zindagi ki jis ki har talab sarab thi