kahan se kaleja ye lae mohabbat

kahāñ se kaleja ye laa.e mohabbat

abas hai ye langar uThā.e mohabbat

zamāne meñ is kī zarūrat hai sab ko

jahāñ se mile koī laa.e mohabbat

hai siina kushāda mire shahr kā par

hai sad haif jo tū na paa.e mohabbat

ye hī dahr kī hai haqīqī kahānī

kisī ne na paa.ī davā-e-mohabbat

maiñ tishna-labī ko liye muntazir huuñ

maiñ sun luuñ ḳhudāyā sadā-e-mohabbat

adāvat se duniyā ko tum bhar rahe ho

to rasta kahāñ se ye paa.e mohabbat

mohabbat mohabbat mohabbat mohabbat

ḳhudā sab ko baḳhshe shifā-e-mohabbat

jhulasne nahīñ degī 'fahmī' samajh lo

ḳhudā kī atā ye ridā-e-mohabbat

kahan se kaleja ye lae mohabbat

abas hai ye langar uThae mohabbat

zamane mein is ki zarurat hai sab ko

jahan se mile koi lae mohabbat

hai sina kushada mere shahr ka par

hai sad haif jo tu na pae mohabbat

ye hi dahr ki hai haqiqi kahani

kisi ne na pai dawa-e-mohabbat

main tishna-labi ko liye muntazir hun

main sun lun KHudaya sada-e-mohabbat

adawat se duniya ko tum bhar rahe ho

to rasta kahan se ye pae mohabbat

mohabbat mohabbat mohabbat mohabbat

KHuda sab ko baKHshe shifa-e-mohabbat

jhulasne nahin degi 'fahmi' samajh lo

KHuda ki ata ye rida-e-mohabbat