kahan se laun main fikr-e-wasia-o-la-mahdud

kahāñ se lā.ūñ maiñ fikr-e-vasī.a-o-lā-mahdūd

asīr-e-dām-e-ta.ayyun hai kā.enāt-e-vajūd

balā-e-jāñ haiñ yahī kasrateñ aqīdat kī

had-e-niyāz hī bantī hai ka.aba-e-maqsūd

mire hī shauq-e-farāvāñ ne gum kiyā mujh ko

har ek gaam pe thī varna manzil-e-maqsūd

latāfat-e-ġham-e-jānāñ kā hogā kyā ehsās

hazār-hā haiñ zamāne meñ jab ki dām-o-quyūd

uThā sakegā na parda haqīqatoñ kā kabhī

jo ho gayā hai asīr-e-tilism-e-rang-e-shuhūd

hai zarra-zarra se paidā tajalliyoñ kā faroġh

magar hai husn-e-ḳhud-ārā ko phir bhī zauq-e-numūd

na khul sakegā mazāhir-parastiyoñ kā fareb

ye husn kyā hai agar tū nahīñ hai ḳhud maujūd

maiñ jāntā huuñ vahī zindagī kā hāsil haiñ

huiiñ jo rāh-e-mohabbat meñ koshisheñ be-sūd

basī huī hai mohabbat kī in meñ ik duniyā

na miT sakeñge zamāne se naqsh-hā-e-sujūd

kuchh aur baḌhtīñ masarrat kī talḳhiyāñ 'sāqib'

agar na hotā zamāne meñ ranj-o-ġham kā vajūd

kahan se laun main fikr-e-wasia-o-la-mahdud

asir-e-dam-e-tayyun hai kaenat-e-wajud

bala-e-jaan hain yahi kasraten aqidat ki

had-e-niyaz hi banti hai kaba-e-maqsud

mere hi shauq-e-farawan ne gum kiya mujh ko

har ek gam pe thi warna manzil-e-maqsud

latafat-e-gham-e-jaanan ka hoga kya ehsas

hazar-ha hain zamane mein jab ki dam-o-quyud

uTha sakega na parda haqiqaton ka kabhi

jo ho gaya hai asir-e-tilism-e-rang-e-shuhud

hai zarra-zarra se paida tajalliyon ka farogh

magar hai husn-e-KHud-ara ko phir bhi zauq-e-numud

na khul sakega mazahir-parastiyon ka fareb

ye husn kya hai agar tu nahin hai KHud maujud

main jaanta hun wahi zindagi ka hasil hain

huin jo rah-e-mohabbat mein koshishen be-sud

basi hui hai mohabbat ki in mein ek duniya

na miT sakenge zamane se naqsh-ha-e-sujud

kuchh aur baDhtin masarrat ki talKHiyan 'saqib'

agar na hota zamane mein ranj-o-gham ka wajud