kahan tak sunoge zamane ki baaten

kahāñ tak sunoge zamāne kī bāteñ

ye ik dūsre ko laḌāne kī bāteñ

mohabbat se rahte the aapas meñ ham tum

tumheñ yaad haiñ us zamāne kī bāteñ

zamāne meñ apnī ye hālat na hotī

na sunte agar ham zamāne kī bāteñ

hai duniyā ko amn-o-sukūñ kī zarūrat

karo ḳhatm tūfāñ uThāne kī bāteñ

kuchh us kī ravish ko nahīñ dekhte ham

sune jā rahe haiñ zamāne kī bāteñ

na tum miT sakoge na ham hī miTeñge

ġhalat haiñ ye miTne miTāne kī bāteñ

zamāna zamāna sitamgar zamāna

tumheñ kyā batā.eñ zamāne kī bāteñ

kareñ fikr kuchh apne sūd-o-ziyāñ kī

bahut sun chuke ham zamāne kī bāteñ

kahan tak sunoge zamane ki baaten

ye ek dusre ko laDane ki baaten

mohabbat se rahte the aapas mein hum tum

tumhein yaad hain us zamane ki baaten

zamane mein apni ye haalat na hoti

na sunte agar hum zamane ki baaten

hai duniya ko amn-o-sukun ki zarurat

karo KHatm tufan uThane ki baaten

kuchh us ki rawish ko nahin dekhte hum

sune ja rahe hain zamane ki baaten

na tum miT sakoge na hum hi miTenge

ghalat hain ye miTne miTane ki baaten

zamana zamana sitamgar zamana

tumhein kya bataen zamane ki baaten

karen fikr kuchh apne sud-o-ziyan ki

bahut sun chuke hum zamane ki baaten