kahan tewar hain un mein ab wo kal ke

kahāñ tevar haiñ un meñ ab vo kal ke

havā chalne lagī hai ruḳh badal ke

judā.ī kī ghaḌī hai dushman-e-dil

balā hai ye nahīñ Taltī hai Tal ke

adā un kī maza detī hai ham ko

maza aatā hai un ko dil masal ke

pahelī ban ke vo ojhal huā hai

kiye haiñ band dar sab us ne jal ke

vafā ke phuul tab samjho khileñge

jo aa.egā koī kāñToñ pe chal ke

vo kar dete haiñ nā-mumkin ko mumkin

mirī āġhosh meñ aksar machal ke

nazar ke tiir nāzuk haiñ tumhāre

jabhī pur-lutf haiñ ye vaar halke

'suhail' is dil kī hālat aur mohabbat

bahā āñkhoñ se vo patthar pighal ke

kahan tewar hain un mein ab wo kal ke

hawa chalne lagi hai ruKH badal ke

judai ki ghaDi hai dushman-e-dil

bala hai ye nahin Talti hai Tal ke

ada un ki maza deti hai hum ko

maza aata hai un ko dil masal ke

paheli ban ke wo ojhal hua hai

kiye hain band dar sab us ne jal ke

wafa ke phul tab samjho khilenge

jo aaega koi kanTon pe chal ke

wo kar dete hain na-mumkin ko mumkin

meri aaghosh mein aksar machal ke

nazar ke tir nazuk hain tumhaare

jabhi pur-lutf hain ye war halke

'suhail' is dil ki haalat aur mohabbat

baha aankhon se wo patthar pighal ke