کبھی چارہ گری کرنا کبھی بیمار ہو جانا

کبھی چارہ گری کرنا کبھی بیمار ہو جانا

کہے جس وقت جیسا ہونے کو سنسار ہو جانا

غزل گو پرزم جیسا ہی تو کچھ ہوتا ہے خود دیکھو

خموشی کا گزرنا اس سے اور اشعار ہو جانا

چنندہ لوگ ہیں جن کو میسر یہ سہولت ہے

کبھی اخبار پڑھ لینا کبھی اخبار ہو جانا

جو تم سے بڑھ نہ پایا راستہ میرا کبھی آگے

تو دروازے کی صورت میں تم اک دیوار ہو جانا

سمجھنا انقلاب اور عشق میں انتر نہیں کچھ بھی

ہے فانیؔ ویر رس کا خود بخود شرنگار ہو جانا