kahe to kaun kahe sarguzasht-e-aKHir-e-shab

kahe to kaun kahe sarguzasht-e-āḳhir-e-shab

junūñ hai sar-ba-garebāñ ḳhirad hai mohr-ba-lab

hudūd-e-shauq kī manzil se tā-ba-hadd-e-adab

hazār marhala-e-jāñ gudāz o sabr-talab

ye ālam-e-qad-o-gesū ye husn-e-āriz-o-lab

tamām nik.hat-o-naġhma tamām sher-o-adab

badal sakā na zamāna mizāj-e-ahl-e-junūñ

vahī diloñ ke taqāze vahī nazar kī talab

hazār harf-e-hikāyat vo ek nīm-nigāh

hazār va.ada-o-paimāñ vo ek jumbish-e-lab

thake thake se sitāre dhuāñ dhuāñ sī fazā

bahut qarīb hai shāyad savād-e-manzil-e-shab

'surūr' manzil-e-jānāñ hai kab se chashm-ba-rāh

bhaTak rahā hai kahāñ kārvān-e-shauq-o-talab

kahe to kaun kahe sarguzasht-e-aKHir-e-shab

junun hai sar-ba-gareban KHirad hai mohr-ba-lab

hudud-e-shauq ki manzil se ta-ba-hadd-e-adab

hazar marhala-e-jaan gudaz o sabr-talab

ye aalam-e-qad-o-gesu ye husn-e-ariz-o-lab

tamam nikhat-o-naghma tamam sher-o-adab

badal saka na zamana mizaj-e-ahl-e-junun

wahi dilon ke taqaze wahi nazar ki talab

hazar harf-e-hikayat wo ek nim-nigah

hazar wada-o-paiman wo ek jumbish-e-lab

thake thake se sitare dhuan dhuan si faza

bahut qarib hai shayad sawad-e-manzil-e-shab

'surur' manzil-e-jaanan hai kab se chashm-ba-rah

bhaTak raha hai kahan karwan-e-shauq-o-talab