kahen kya tum sun be-dard logo kisi se ji ka maram na paya

kaheñ kyā tum suuñ be-dard logo kisī se jī kā maram na paayā

kabhī na būjhī yathā hamārī birah niiñ kyā ab hameñ satāyā

lagā hai birhā jigar kuuñ khāne hue haiñ tīroñ ke ham nishāne

deveñ haiñ sauteñ haman kuuñ ta.ane ki tujh ko kab.hūñ na muñh lagāyā

rakhe na dil meñ kisī kī chintā gale meñ Daale birah kī kanThā

daras kī ḳhātir tumhāre mantā bhikāran apnā baran banāyā

lagī haiñ jī par birah kī ghāteñ talaf talaf kar bahā.eñ rāteñ

tumhārī jin niiñ banā.īñ bāteñ akārat apnā janam gañvāyā

gilā mamolā ye sab abas hai apas ke ochhe karam kā jas hai

hamārā pyāre kaho kyā bas hai tumhāre jī meñ agar yuuñ aayā

jo dukh paḌegā sahā karūñgī jase kahoge rahā karūñgī

tuman kuuñ nis din duā karūñgī sakhī salāmat raho ḳhudā-yā

kahen kya tum sun be-dard logo kisi se ji ka maram na paya

kabhi na bujhi yatha hamari birah nin kya ab hamein sataya

laga hai birha jigar kun khane hue hain tiron ke hum nishane

dewen hain sauten haman kun tane ki tujh ko kabhun na munh lagaya

rakhe na dil mein kisi ki chinta gale mein Dale birah ki kanTha

daras ki KHatir tumhaare manta bhikaran apna baran banaya

lagi hain ji par birah ki ghaten talaf talaf kar bahaen raaten

tumhaari jin nin banain baaten akarat apna janam ganwaya

gila mamola ye sab abas hai apas ke ochhe karam ka jas hai

hamara pyare kaho kya bas hai tumhaare ji mein agar yun aaya

jo dukh paDega saha karungi jase kahoge raha karungi

tuman kun nis din dua karungi sakhi salamat raho KHuda-ya