کہیں بھی جاؤں پر مجھ کو سکون دل نہیں ملتا
کہیں بھی جاؤں پر مجھ کو سکون دل نہیں ملتا
نہیں ملتا مجھے وہ نقشۂ قاتل نہیں ملتا
مددگار محبت تھے تمہیں بحر محبت میں
تمہارے بعد کوئی رہبر کامل نہیں ملتا
تمہارا ہی بھروسہ تھا مجھے دشوار راہوں میں
اب ان راہوں میں کوئی رہرو منزل نہیں ملتا
سوال زندگی مشکل ہے پر مشکل نہیں مشکل
اگر مشکل ہے مشکل کو حل مشکل نہیں ملتا
حجابانہ ہی صورت سے تمہاری میں سنبھل لیتا
مگر مشکل ہے مشکل کو لب ساحل نہیں ملتا
ہمارا راز دل ہی کیا نہ سنتے ہو نہ پوچھو گے
نہیں ملتا تمہارا ہی مزاج دل نہیں ملتا
مقدر کو ترے منظور کچھ غمؔ ہے تو یہ ہی ہے
کہ تجھ سا اس زمانے میں کوئی بیدل نہیں ملتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
