kahin diwar hai to dar ghaeb

kahīñ dīvār hai to dar ġhā.eb

aur kahīñ par hamārā ghar ġhā.eb

ham-safar hai kahīñ safar ġhā.eb

hai safar gar to ham-safar ġhā.eb

ai ḳhudā kaun sā tilism hai ye

jism maujūd haiñ ye sar ġhā.eb

shauq-e-parvāz hai sabhī meñ magar

tā.irān-e-chaman ke par ġhā.eb

āsmāñ bhī nahīñ rahā sar par

us pe paañv se hai safar ġhā.eb

maiñ bhī bai'at karūñ ba-dast-e-hunar

dard-e-dil ko jigar se kar ġhā.eb

mujh pe paḌtī nahīñ koī bhī nazar

maiñ bhī mahfil meñ huuñ magar ġhā.eb

tum raho aañkh meñ to behtar hai

duur hoñ gar to bahr-o-bar ġhā.eb

yā to maujūd hī nahīñ vo rahā

yā koī aañkh se nazar ġhā.eb

ishq ke baam par vo hai maujūd

kāsa-e-shām se qamar ġhā.eb

qaht kaisā paḌā hai ab ke baras

dast-e-fan-kār se hunar ġhā.eb

sāmne manzileñ sabhī mādūm

muḌ ke dekhūñ to chārāgar ġhā.eb

zaḳhm 'tāhir-adīm' kaise bhare

har davā se huā asar ġhā.eb

kahin diwar hai to dar ghaeb

aur kahin par hamara ghar ghaeb

ham-safar hai kahin safar ghaeb

hai safar gar to ham-safar ghaeb

ai KHuda kaun sa tilism hai ye

jism maujud hain ye sar ghaeb

shauq-e-parwaz hai sabhi mein magar

tairan-e-chaman ke par ghaeb

aasman bhi nahin raha sar par

us pe panw se hai safar ghaeb

main bhi bai'at karun ba-dast-e-hunar

dard-e-dil ko jigar se kar ghaeb

mujh pe paDti nahin koi bhi nazar

main bhi mahfil mein hun magar ghaeb

tum raho aankh mein to behtar hai

dur hon gar to bahr-o-bar ghaeb

ya to maujud hi nahin wo raha

ya koi aankh se nazar ghaeb

ishq ke baam par wo hai maujud

kasa-e-sham se qamar ghaeb

qaht kaisa paDa hai ab ke baras

dast-e-fan-kar se hunar ghaeb

samne manzilen sabhi madum

muD ke dekhun to chaaragar ghaeb

zaKHm 'tahir-adim' kaise bhare

har dawa se hua asar ghaeb