kahin kahin pe andhera kahin kahin pe charagh

kahīñ kahīñ pe añdherā kahīñ kahīñ pe charāġh

du'ā karo ki jaleñ saarī sarzamīñ pe charāġh

zarā sī der meñ donoñ hī jal ke raakh hue

makāñ bhī jalne lagā jab girā makīñ pe charāġh

ye kis ko dekh ki chehra mirā damakne lagā

ye kis ne kar diye raushan mirī jabīñ pe charāġh

misāl-e-vahm-o-gumāñ ik dhuāñ sā phail gayā

parakhne ke liye rakkhā jo ik yaqīñ pe charāġh

jahāñ pe ham ko añdheroñ ne Das liyā 'maz.har'

hamārī nasl jalā.egī ab vahīñ pe charāġh

kahin kahin pe andhera kahin kahin pe charagh

du'a karo ki jalen sari sarzamin pe charagh

zara si der mein donon hi jal ke rakh hue

makan bhi jalne laga jab gira makin pe charagh

ye kis ko dekh ki chehra mera damakne laga

ye kis ne kar diye raushan meri jabin pe charagh

misal-e-wahm-o-guman ek dhuan sa phail gaya

parakhne ke liye rakkha jo ek yaqin pe charagh

jahan pe hum ko andheron ne Das liya 'mazhar'

hamari nasl jalaegi ab wahin pe charagh