kahin kahin se mohabbat wasul hone lagi
kahīñ kahīñ se mohabbat vasūl hone lagī
duā jo kī hī nahīñ thī qubūl hone lagī
maiñ baiThe baiThe yuuñ hī raqs par utar aayā
phir ek aan meñ duniyā ye dhuul hone lagī
ab ek jaise to hote nahīñ sabhī manzar
kahīñ pe ḳhush to kahīñ vo malūl hone lagī
maiñ ek baar udhar bhuul kar chalā gayā thā
phir us ke ba.ad musalsal ye bhuul hone lagī
ab apne beach yahī ḳhāmushī hī behtar hai
ki guftugū to hamārī fuzūl hone lagī
ye baaġh dasht meñ tabdīl ho rahā hai 'hasan'
jo shāḳh-e-phūl thī pahle babūl hone lagī
kahin kahin se mohabbat wasul hone lagi
dua jo ki hi nahin thi qubul hone lagi
main baiThe baiThe yun hi raqs par utar aaya
phir ek aan mein duniya ye dhul hone lagi
ab ek jaise to hote nahin sabhi manzar
kahin pe KHush to kahin wo malul hone lagi
main ek bar udhar bhul kar chala gaya tha
phir us ke baad musalsal ye bhul hone lagi
ab apne beach yahi KHamushi hi behtar hai
ki guftugu to hamari fuzul hone lagi
ye bagh dasht mein tabdil ho raha hai 'hasan'
jo shaKH-e-phul thi pahle babul hone lagi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
