kahin KHiyam lagen qarya-e-visal bhi aae

kahīñ ḳhiyām lageñ qarya-e-visāl bhī aa.e

shab-e-safar meñ kabhī sā’at-e-zavāl bhī aa.e

kisī ufuq pe to ho ittisāl-e-zulmat-o-nūr

ki ham ḳharāb bhī hoñ aur vo ḳhush-ḳhisāl bhī aa.e

suḳhan meñ kab se hai raushan ye kyā zarūrī hai

ki vo sitāra sar-e-matla'-e-misāl bhī aa.e

sunā hai sair ko niklī huī hai mauj-e-nashāt

'ajab nahīñ taraf-e-kūcha-e-malāl bhī aa.e

hameñ 'atiyya-e-tark-e-talab qubūl na thā

so ham to us kī 'ināyat pe ḳhaak Daal bhī aa.e

kahin KHiyam lagen qarya-e-visal bhi aae

shab-e-safar mein kabhi sa’at-e-zawal bhi aae

kisi ufuq pe to ho ittisal-e-zulmat-o-nur

ki hum KHarab bhi hon aur wo KHush-KHisal bhi aae

suKHan mein kab se hai raushan ye kya zaruri hai

ki wo sitara sar-e-matla'-e-misal bhi aae

suna hai sair ko nikli hui hai mauj-e-nashat

'ajab nahin taraf-e-kucha-e-malal bhi aae

hamein 'atiyya-e-tark-e-talab qubul na tha

so hum to us ki 'inayat pe KHak Dal bhi aae